Kryetari i Lidhjes Demokratike të Kosovës, Lumir Abdixhiku ka publikuar një tabelë me statistika se si ishte çmimi i rrymës tri vjet më parë dhe si është tani.

Në rrjetin social Facebook, Abdixhiku ka thënë se tarifat e energjisë elektrike herën e fundit janë rritur nga prilli i këtij viti, përcjell Arbresh.info.

“Tarifat e energjisë elektrike, herën e fundit, janë rritur nga prilli i këtij viti. Para kësaj, ishin rritur edhe dy herë të tjera. Pra gjithsejtë 3 herë për 3 vjet. Gjendja e tanishme është produkt i mosnjohjes së realitetit qytetar në vend. Siç dhe thoshin vet, ‘qytetarët po shpenzojnë shumë sepse rryma është e lirë’”, ka shkruar Abdixhiku.

“Do të gjejnë arsyetime; do të ju mbushin me ankesa, nga privatizimi e deri tek luftërat nëpër botë, por e vërteta e vetme është si më poshtë. Paaftësia kushton! Shiheni vet”, ka shkruar lideri i LDK-së.

Reagimi i Abdixhikut vjen pasi shumë qytetar u ankuan se faturat e energjisë elektrike këtë muaj kanë qenë më të larta./Arbresh.info